happyclara88的部落格

返黎喇、返黎喇！！時間夾得非常好呀，我岩岩去完沙巴旅行返黎，去沙巴當然日日都係陽光與海灘，玩就緊係玩得好開心，但沙巴陽光係非常勁的，如果唔做足防曬同美白功夫，咁就會曬到黑豬架喇！

沙巴海灘，陽光係直曬架，總共去左七日旅行，咁就曬足七日，我個身已經曬到成個泳衣印喇，塊面仲幸保不失，我唸除左防曬功勞外，一定係呢枝將會介紹既Nuxe花妍百合煥白強效去斑精華！

容量/售價HK$400.000/30ml

Nuxe呢個牌子我係第一次用，但之前去旅行時成日都見呢個牌子產品放響當眼位置，所以都知佢既產品有一定份量！今次試用既係花妍百合煥白強效去斑精華，由theZtyle.com提供。

包裝簡潔，而方便既係佢係泵裝，用幾多唧幾多方便攞份量。體積不大，我攞去旅行都好慳位！

一泵份量夠揸全面，質地係偏乳液狀，比一般美白產品滋潤，揸完皮膚會較光澤飽滿！而且會聞到淡淡花香味！

揸後皮膚會顯光澤！

聞到花香味，原來全線產品成分揉合多種白色花卉如玉蘭、茉莉和蘭花等，你會覺得好清新！而去斑精華更含有：NUXE專利成份 - 白番紅花 White Crocus、火百合 Stargazer Lily、同vitamin C，所以連續用你就會發現膚色會較均勻同有光澤！

Nuxe White創新的活性成分，蘊含專利成分白番紅花、火百合及穩定性維他命C，形成5重激活美白機制，在黑色素形成的過程中進行全方位美白，為肌膚注入最細緻的嫩白和抗衰老呵護，肌膚變得晶瑩剔透，散發年輕光澤。產品資料：

上次去埃及旅行揸防曬時無揸眼皮，結果就曬到隻眼紅曬好似用左眼影咁，今次勁呀，我有好好照顧對眼……哈哈，跟住今次就到對耳出事！

晚晚我都好乖搽Nuxe花妍百合煥白強效去斑精華，所以可以見到面仔仲好白淨，但耳仔無用美白就黑左好多喇！哈哈！