happyclara88的部落格

敗家文係咁多文章裡寫得最開心既，買野絕對令人腎上指數標升，要記得無耐之前先有敗家文，而家又有喇！

有時我好奇怪，有幾日會勁有衝動要買野，買左既野唔係需要，純係想滿足一下個購物慾乍，不過今次都幾好，買左既都岩用同幾好用！

大合照：買既種類包羅萬有，有衫（兩件）、飾物（大量）、護膚品同化妝品、書本及飲品

今次主要都係睇下買左咩護膚同化妝品，仲有係飾物。

bicelle hydra b5 gel, 之前有用過唔錯，係回購品，都主要用黎保濕，易吸收。四百幾有大大枝，會有排用。

走去shiseido counter，本來係想買唇膏，結果唇膏就無買到，反而買左呢2樣。shiseido sheer eye zone corrector, 係用得好方便既concealer，扭個蓋就有液體狀cream出，筆咀有掃就可直接掃眼袋位置，幾潤，有幾隻色，要去counter試清楚個色！

shiseido cheek colour，呢個係胭脂藏響粉掃入面，用時扭個蓋就攞到胭脂，我係貪得意買既，買滿$500就有set野送，其中有一枝10mL既white lucent base，今日第一次用，呢個唔錯，上妝貼D，另外有一個乳液同travel size cleansing oil。

miffy銀器儲物盒，表面係純銀，裡面可放飾物，我響誠品買，只要二百幾，我覺得幾抵，放出黎做擺切都靚。

飾物出場，因為我只用手機影，影唔出飾物個質感，但實物好靚架，而家行街成日都去睇下手鍊耳環咁；唔覺唔覺真係越買越多！

rmk cleansing balm同cleansing foam，cleansing balm係回購品，鍾意用佢落妝會聞到好香玫瑰味，而且落妝都落得乾淨，而個foam係順便買埋既姐未用過。

其餘仲買左枝會出泡泡既mask、shower gel、銀器，遲D再介紹枝mask好得意既，係一枝detox mask!

最後送上我家兔兔moson豬。嘻嘻，不過佢唔係買返黎既，係二月時響兔協領養架！