上一篇文【敗家】10樣不可不買的護膚品 中提到其中一樣護膚品我極推介既，就係shiseido 既future solution LX 中既eye and lip regenerating cream。
其實後生時都唔覺眼霜重要，覺得用面霜都足夠啦，都係面部皮膚應該差唔多，但自從睇過一D相片、雜誌發覺如果眼紋嚴重絕對會令人視覺上老D，而眼紋絕對比面部更易出紋，所以我會好捨得花錢去買眼霜，而面霜就只要夠潤就得。
我用過既眼霜牌子中平價唔講啦，中價既有：origins、shiseido、ipsa、kose、lancome等，貴價既就有：orlane、la prairie、la colline等，全部都唔係話唔好用，不過就無“哇”一聲既感覺，唔用亦無話衰左，直至我買左呢個用為止。
shiseido 既future solution LX 中既eye and lip regenerating cream 香港counter賣$1200，15mL，如果價錢相差唔多，我建議要買都響counter買，因為一來通常買貨size都有sample，二來shiseido既service都係好好，我響counter買，做左 shiseido member之後成日都收到試做facial呀，修眉之類既服務，有時無端端send sms送返個1.5mL既眼霜，要知1.5mL都已經要$200！
睇返個眼霜，質地係好杰身，微香，眼霜中係連有一枝膠棒既，每次我都係攞一粒細紅豆份量可搽曬2隻眼，雖然質地杰身但絕對好推，我會用點按既方法搽，尤其著重眼頭眼尾，不盒眼霜我可以用上半年，每次我都係響sogo感謝週買，送多D野更抵！
我過去年幾時間一年四季都係呢個eye cream, 夏天用唔笠，冬天用夠潤！
我已經用第三盒喇！係我一再回購既眼霜！我估黎緊既五月sogo感謝週我又會買定一盒
sales姐姐教我，想試產品既滋潤效果，可以用手試，搽變虎口位，虎口位係最多紋既地方，搽左呢個眼霜真係有淡紋效果，要買眼霜既話可以考慮下呢個！
留言列表
