朋友來到我家，有時都睇見我將飾物收納既方法好慳位又可防氧化，所以我update了這篇文，同時加入video，咁人人都可以用$20就可處理大量飾物喇！
好鍾意買野，衫可以唔買，因為打開衣櫃見到一堆堆再買都真係無位放，但飾物呢，真係好難唔買，尤其耳環，有時真係會買到唔知自己放左響邊，所以點樣收納物品都係一個學問！
我有睇台灣blog，其中一個係honey http://www.wretch.cc/blog/honeyqueen
其中一篇講佢買左個飾物櫃，超超超鍾意：
我都超想買一個，實會勁開心，上埋淘寶睇，將呢個櫃放上forum, 亦有好多sis reply 話一齊訂添（淘寶價格$400-600不等，可輸入「飾物櫃」搜尋），但最後都係因為位置問題無買到啦…咁D飾物點放好呢…
最原始當然係買飾物盒啦。我選擇既飾物盒要間隔好，要可以自由調動格仔，最重要係透明，咁先可慳返周圍搵既時間！
我幾年前就響muji買亞架力膠飾物盒，有好多不同配搭，前前後後買左一個4層既，三個2層既，初時擔心耐左D膠會變色變黃，但咁多年都無事，good! 唯一就價錢啦，咁多個夾埋既價錢夠買個櫃！
一層層搭上去：
間格變化多：
跟住飾物越黎越多，muji會都無辦法裝喇，咁響10蚊店買藥丸盒，其實除左肉酸D同D膠會變黃之外，放耳環係perfect! 格仔夠晒多，一目了然！
以前10蚊店，而家12蚊店有好多不同格仔選擇：
但體積比較大既手鍊頸鍊就放唔落，要另覓地方，連盒仔都唔放過：
但放落盒就有樣唔好既地方，就係放左落盒睇唔到，耐左都唔記左佢喇！
跟住我就開始自製飾物掛板，好簡單，材料只要響ikea買塊告示板就得羅，但唔想飾物氧化，我就留起晒飾物袋仔，跟住咩都入袋掛起佢，我覺得咁樣係最方面，戴完飾物入返袋就ok!
我至愛MBMJ頸鍊：
題外話：之前用MD聽歌，但而家都無啦，MD已經扔晒，但就無扔MD盒，咁D盒就係比我要左黎裝晒野，
裝頭飾：
裝香水：
呢D圓樽唔係一般香水黎架，係之前去埃及旅行時買既香精，即係製造香水既原材料！用時搽一滴響手腕擦開佢就得！
留言列表
