先來張大合照， 事實還買了一雙鞋，而且今天準備去拼購波鞋，所以9月購物這算是個開始！
先來說一下買了的妝品。今次我在英國網網購了一個主打有機彩妝的品牌，叫: rms 品牌不算為人熟悉但響美國就是響噹噹了。rms 主打天然礦物彩妝， 產品成份全都是天然有機的，我是在Beyorg這間專賣有機產品的店試用 rms, 覺得很不錯所以上網買的！
rms beauty 成分天然，所以保存期不長，就只有一年， 但不用怕會用不完因為都是小小一盒！ 來開箱囉:
紙盒看似很大，實際我訂的東東都很少，只是購物滿 55英磅送的禮物體積很大😆 一開箱就是集團其他品牌的一些coupon, 在滿滿的紙下就是我的東東啦！
我訂的只有3件rms, 其餘兩枝連大大的化妝袋就是禮物！
買了兩盒碎粉，每個有9g, 左係叫UN powder, 透明色， 試過上手唔會令塊面變白只會有提亮功用，成分得一樣就是silica礦石！
中間都係碎粉，叫tinted UN powder, 共有3個色我買左0-1號最light colour, 成分是silica同iron oxide, 兩者都是天然礦石，不傷皮膚。
最右係我最鍾意的叫lip2cheek, 即係可當胭脂又可搽lip的， 我買個色叫 beloved, 試上面只需要搽好少好易推開就有白裡透紅自然效果。
入面成分都是天然果油，有時化妝由朝到晚十幾個鐘如果成分天然對皮膚一定有較好效果！三樣嘢每樣香港都賣$345， 而家我上網買連promotion有20%off + free shipping 先6x 英磅仲有gift!
今次gift唔算十分多(之前訂過送一set skincare), 但勝在呢個牌子都係用靚料的！
其他9月仲買左mac, 原本沒準備要買什麼的，但BA十分好人， 幫我試好多product又教我畫眉，所以最後放低千幾蚊買左眉粉，胭脂，一枝base 同1 set 掃。
另外最開心就是買了兩個wayuu 袋！來自南美人手編織的袋， 如果你無留意這類袋你可能只當佢係一般淘寶貨， 但不是！絕對不是！上外國網站search普遍都賣過千蚊， 當然香港有些店賣比較平都要hkd$550, 但買這類袋要一點運氣， 因為人手織花色每個都不同，真的要睇好多個先揾到你最愛！這兩個我都超愛的！
另外行開萬寧無啦啦買左多個胭脂
質地好得意， mousse狀軟綿綿，用過一次都不錯用而且賣點就是平！
除左衫外，我姐姐剛剛去英國旅遊，趁呢個機會緊係要買東東啦，就係買jo malone香水，全世界最平既地方係英國機場，買之前已去連卡佛行一轉做功課，個sales超好人比我不停試又教我噴香水正確方法，但香港買一枝100ml要hkd1200實在係巔價，英國機場賣68英鎊，以而家外幣換算就是打6折啦！
我揀左orange blossom同好特別既earl grey and cucumber， 兩個都好清香！
9月買物應該仲陸續有來！買嘢真係女人專利！😜
留言列表
