happyclara88的部落格

喜歡starbucks裡賣的檸檬撻，有時放工回家會特登行去買一個檸檬撻爽一爽，估唔到原來自己一個超新手都可以做到呢個酸酸甜既味道，仲一次就成功！

之前行誠品，看看很值得入手的一本烘焙書，超厚的，同百科全書一樣的一本，叫【烘焙新手必備的第一本書】，作者係Carol。

今次我就跟著書本去做一次酥餅，超簡單又好味呢，一個小時內攪店！迫身邊朋友、同事試食，全部都讚好！

材料：

牛油75g（用前放室溫）、砂糖40g、蛋黃一個、低筋面粉160g、檸檬皮、檸檬汁一大匙、橙酒1／2匙

跟著做o羅，由於我有面包機，所以所有攪面團的工夫都靠面包機o羅（其實我真心覺得面包機好好用，我自己用的是象印，用左接近2年，感覺係：只有買貴，沒有買錯。另外就係：早買早享受！）當然無面包機都無問題，用打蛋器攪拌就可！

1. 將牛油切粒打成乳狀。（先放室溫就好快打軟身）

2. 加入砂糖繼續打成乳狀。

3. 加入液體（蛋黃、檸檬汁、橙酒）又繼續攪。

4. 加入檸檬皮

5. 分2次加入面粉攪勻

6. 攪店個面糰就可以造形喇！

我覺得形狀可以自由發揮啦，想整齊o的可以街買曲奇模，亦可以攞起一份（一個面糰做到20份）搓成長條再疊埋成圓形，我就再變形加上兩個小粉團就變做兔仔形

7. 將整好既面團沾上砂糖

8. 放入160度焗爐焗15分鐘

出爐喇，餅面沾有砂糖甜甜的，餅中酸酸的又帶有檸檬皮既微微苦澀，好正！

其實做呢個真係超簡單，全程要做既就係不停攪攪攪就得，通常我都係食完飯一路睇電視一路攪，焗完就變做飯後甜點！好滿足！！

另外，如果想送比人可以買靚靚公仔膠袋啦，貼紙啦、紙盒、甚至鐵盒，呢D野上淘寶就又多又齊，通常我一次訂幾間再集運送香港，下次有機會再介紹啦！