happyclara88的部落格

去日本東京旅行，點少得做下功課睇下有咩新嘢買，睇見旅遊書推介，blogger都推介既紅mask~~lulu mask, 唸住去旅行買返一打半打黎看下門口，所以去日本旅行之前已經將呢個mask放入must buy list!~

去到日本當然去藥房搶購，夾下價，我見有特別版有成42片，我就買左呢包比自己，另外有細包得7片裝就做手信送比朋友！

事實上如果論價錢，我呢包特別版只需1542 yen，以而家對0.75計，有成42片既面膜港幣只要$115，除開平均只要$3一片! $3!!!!

呢個價錢真係只可買粒糖，竟然可以買到日本貨，係真正日本貨喎，唔係日本賣既大陸貨。論價錢呢個數目真係好平，但做唔做到又平又正先係重點。

一開袋，幾十片既面膜就一片片對摺響個袋入面，當我想攞一塊出黎既時候往往就一攞攞左幾塊出黎，要D時間先可將佢地分開，要分開事少，但變相塊塊面膜未用就已經掂過曬，有欠衛生！仲有，分得塊面膜出黎，由於塊o野好薄，所以通常攞到出黎都係縐埋一舊。

望落以為係1塊，其實呢度係2塊痴住。

幾經辛苦打開塊mask上面，但塊野太薄，好多位都摺住，超麻煩攤開，而最重要既精華素，我覺得其實都唔可以話係精華素，質地比較稀，似toner質地多D，除左平之外，唯一可以讚既係個錫紙袋有zip，我開左一個月都無話精華素乾。

我通常敷15分鐘，塊o野會略乾，我通常都會跟手將精華素按下面，用完呢個會feel到塊面少少笠，但又未至於要洗面。保濕效果一般，如果要比較我寧願用棉花浸toner黎敷。

呢隻mask我覺得只適會十零歲o靚妹仔用，唔好用既野即使再平都係浪費，我唔會再買！