happyclara88的部落格

最近去了上指甲班，令到我原本毫無生氣既手指帶黎一D色彩！已經好耐無響屋企自己搽指甲油喇，以前買落既指甲油都過曬期，所以把心一橫扔曬佢再買過，用開OPI甲油，但行開watsons唔見有OPI，所以就試下其他牌子，發現max factor有較多選擇，D顏色都好靚好易配搭，就一次過買左4枝！

另外試用過loreal既髮尾油，微香又絕對唔笠，襯頭髮少少濕滴2-3滴落手再搽上髮尾效果唔錯，之前用日本隻茶花油覺得太笠了，呢個唔會，響mannings做減價時$9x，一枝應該有排用！

跟住去埋sasa搵白元棉花，見到就掃2盒，白元棉花係絕對推介既，一片可以撕開做5片濕敷，平常toner用我就用2小片，雖然每盒$22比其他貴D但係物有所值的！

跟住就到我既香水喇，我比錢買既香水唔多，因為好難搵到一隻我鍾意既味，有D味太濃太濁，平時平平地會買body shop white musk, 價錢平，百幾蚊一枝，噴房噴廁所都得，但唔算一聞傾心，直至試過marc jacobs既香水，終於發現到岩自己既香味！

而家我淨係今年就有3枝mj既daisy香水！有2枝係eau so fresh，一枝75mL細枝係groupon買既，原價要$7XX，買時係$4XX，跟住同事推介一個美國網站：www.fragrancex.com，呢度有好多香水，仲有D skincare，賣既價錢比香港正價平，最重要係free international shipping!! 所以買多2枝，買125mL先至$6xx，另外個網站仲不時有sample sale，雖則話sample，但個樽係一樣既，唯一唔同就係個packing會打左“tester”，價錢比non sample平$1xx，我係自用又唔儲盒所以無所謂，少少分享完畢！